كسرتي خاطري مدري وش اسباب الجفاء يا بنت
وأنا اطلب منك ورده واطلبك معها تضميني
احاول وآترجى حضرتك حتى بصوتي صحت
اقل (...) ابيك ولا ابي غيرك يداويني
من اول مرةٍ شفت أسمك الوردي وانا لك صرت
أسير ابلا قيود وفيك صار الشوق يضنيني
يقال اني مشاكس لكن احساسي تركني نحت
على من ساحت بدمي وسارت في شراييني
أذا في عرفكم يا بنت انا فيما طلبت اجرمت
امانه خبريني لا تزيدي حرقة اسنيني
عرفتك عن كثب وآظنني فيما عرفت ادمنت
تربعتي على عرشي وصرتي تنتشي فيني
اودك اي نعم واغليك حتى لو بودك خنت
أنا نظرة عيوني فيك بالغفران تسريني
حسافه ها الزمن يأمر ليالينا بفرض الصمت
وأنا وانتي معاً نلطم على الخدين كفيني
تعبنا واتعبتنا معطيات الشوق شاشة نت
واناملنا تعبر عن مشاعرنا دواويني
نخطط للقاء واحلامنا طائر تركني وانت
خذاء كل الأماني وأنتزع حلم المحبيني
اساوم صمت كافر وانتِ يا شمس الضحى مابنت
غرب نجمك وزرته في منامي قبل يضويني
على لوحة مفاتيح الجهاز اللآب توب دونت
دقايق فرحتي بك حين تضويني وترسيني
هجرت النوم وارهقت العيون ولا بحبك شنت
ارقّص لك حروفي واطربك صوتي وتلحيني
احس بزفرتك واتصور أني لك جسد لا ضقت
اعاني منك واحمل عنك همك قبل تدعيني
بدون اتعسكري فيني على صدق العهود اقسمت
خذي مني مواثيقي والى صديت شديني
بدون ازعاج نتناقش وافهّم حضرتك لاهنت
عسى غاياتنا ما تختلف والهجر يطويني
موضوع: كسرتي خاطري 
18/12/2009, 13:25