بمناسبة سلامة سلطان الخير

هذه القصيده بمناسبة عودة وسلامة صاحب السمو الملكي الامير :سلطان بن عبدالعزيز ال سعود ولي العهد حفظه الله ورعاه




شيخ على الارض البسيطه اقامتـه
تخضع له الهامات من عضم هامته

له في قلوب الناس قـدر ومنزلـه
رسّم على قلـوب الاوادم علامتـه

شيخ سرق ونقول يازيـن سرقتـه
سرق قلوب الناس شوف ابتسامتـه

كـل يحبـه ويتنومـس بشوفتـه
مهيوم فيه وكـل الاجـواد هامتـه

الحول مر نكابد الخـوف والرجـا
متى يجي نور الريـاض ويمامتـه

سافر وشعبه رافقه وقـت رحلتـه
ولاتسـاوت وجدتـه وانعدامـتـه

سافر وعاد وسرنـا يـوم عودتـه
حتى المطر قام يهطل من غمامتـه

تباشـر الشعـب بقدومـه وجيتـه
وتباشر الموطن وغنـت حمامتـه

كل فرح في مقدم الشامـخ الابـي
اللي هموم الشعب اشـد اهتمامتـه

خصم الردى بحر الندى قاهر العدى
وكل الشهامه نبـذة مـن شهامتـه

اذا رضا عسل مصفا مـن الشهـد
واذا زعل بحر ياشيـن التطامتـه

سيف لنصر الحق نجدتـه منجـده
وعلى رقاب القوم بانـت حجامتـه

كم مفلس جاله من الغبـن يشتكـي
وبدل مواري ضيقتـه بأنسجامتـه

وكم واحد من فوقه السيف يرقبـه
واعتقه من جوده وسـدد غرامتـه

وكم واحد قرم ليـا منـه ناطحـه
يعـود خايـب ماتسـره قرامتـه

واليا بحلو قـوم الفهامـه بفهمهـم
شيخ تدل اهـل الفهامـه فهامتـه

للعسر متنطـح وللشعـب معتنـي
رام المعالي والعلا اليـوم رامتـه

ان قيل منهو قلت سلطـان سيـدي
عضيد عبـدالله مسانـد زعامتـه

ولي عهد وبأمـره الجيـش كلهـم
وارقى المناصب كلهـا بأستلامتـه

يالله لاتفجـع ملكـنـا بسـاعـده
اللي يسر العيـن يـوم احتزامتـه

اللي ليامنه ومر لـه علـى العـدا
يطش مـن زود الحميـه عمامتـه

ونايف على اليمنا وسلمان مرتكـي
صف عسانا مانشـوف انقسامتـه

اخوان نوره مزبن اللاجي ان لجـا
في دارهم ماقالـو القـوم ضامتـه

تحمى الوطن من كل عابث ومعتدي
وسوامة الاوطـان مايـوم سامتـه

عيال من ينطح ولاهـوب ينطـح
لاشافه الصارم يضيـع صرامتـه

ينطح صناديد الرجـال ويضدهـا
لادبـر الهابـي وبانـت رخامتـه

من عانده ماياجد الطيب والشبـب
قوم علـى راس المعانـد قيامتـه

من عانده عقب ابتهاجـه وراحتـه
يعض اصابيع النـدم مـن ندامتـه

عبد العزيز اللي رفع رايـة الهـدا
ورسّا رواسـي دولتـه بأستقامتـه

شال الجهل والنعصريـه وغيرهـا
وهدت نفوس الناس والليل نامتـه

صار الامان وديرة العرب وامنـه
نسمع الى المـذن ونسمـع اقامتـه

صار السعودي عايش عيشة السعد
مكرم معزز مـا تدنـس كرامتـه

صار السعودي عقب جهله وحاجته
فخم يماري فـي الديـار بفخامتـه

كل العيون تناظـره مـن مكانتـه
وتحسده الحسـاد ماهيـب شامتـه

الله يعز الحكم والشعـب والوطـن
ولايفكـك وحـدتـه والتحامـتـه

غنيت قافي خالص من مشاعـري
ومشاعري بالصدق ماهيب صامته

مشاعري بالصدق تنطـق وقافهـا
مايسمع الناقـد ويسمـع ملامتـه

قدمت باقة شعر بالحـب خالصـه
للي فرحـت بعودتـه وبسلامتـه


وسلامتكم