مجموعة قصائد للوزن الثقيل

اورة والنظم بنفس القوة والجزالة
عملاق من عمالقة الشعر الشعبي هو سلطان بن وسام الهاجري

الحصيـّن وهدهد سبا .. ..!! )

هدهد سبا يوم أنتهـت دولـة سبـا ماعـاد شيـف
الهدهـد اللـي يوفـد سليمـان مـن دولـة سبـا

ياخالد حصيّن صباح الخير .. كيـف الحـال كيـف
حنّـا تحرينـا النبـا منـكـم .. ولا جـانـا نـبـا

خابرك يوم العيـد متلـوّي علـى حبـل العسيـف
قالوا : ياخالد وش تبا ؟؟ وتقول : مدري ويش ابا !!

تقول وارث لـي جمـل مالـه حلـي ولا وصيـف
امّا رغـا .. والا هـدر .. والا بـرك .. والا حبـا

في ظل هاك الشجره اللي بين رمـح وبيـن سيـف
العـرق سايـح فالنـدا !! والغصـن يرعـاه الدبـا

والعشق بلوى يستلذ ابـه الوليـف امـع الوليـف
تفـوق لـذات الغنـاه الـلـي مايخلطـهـا ربــا

اللي عشق حب الوطن !! واللي عشق جنسٍ لطيـف
واللي عشق ركب النظا !! واللي عشق صيد الظبـا

واللي مايعشـق شـي فـي دنيـاه حيـوانٍ أليـف
هـذا تسمونـه ذكـا .. والا تسمـونـه غـبـا !!

ومن قصيده الى قصيده يثبت لنا هذا الهرم الشعري شاعريته وموهبته الفطريه
وادعكم مع هذه الدره
( سيوف ورماح)

يا مجهز الفكسار بسيوف ورمـاحومفرقات الجمـع حيـن التحامـه

من ثقل ما فوقه مطبـه تمرجـاحمجهزه راعيـه والـدرب امامـه

يهوى كما حرٍ دعى لـه بلمـواحفوقـه عطـاوىٍ خوالـه عمامـه

من وادى الشبرم الى مفرق رماحيحدد السرعـه ويربـط حزامـه

وساعة تعدى سعد يالاح يو مـاحعوذ من الشيطان وارخى خطامـه

ولحظة وصوله والشفق مابعد باحرحبت بـه قـدام يبـدى سلامـه

على أشقر الفنجال والعود فـواحوفقـار شتـوىٍ سنامـه يدامـه

واخذت منًه روس الاقلام بألحـاحوازرا المفسـر لايفسـر حلامـه

ورحت آتصفح كل بيـتٍ تصفـاحوافك حرف وحـرف ازود لحامـه

يا ناصر الروقى ترى الزند قـداحوالسلـم الأول عـزه الله وأدامـه

ما كل راعى ذود للـذود مصـلاحبعض الرعاه مرافقتـه الغشامـه

اللهم اْنه بـس ضـاوى وسـراحعنده مساس الارض كنه وخامـه

الموت لا طيًح من الـذود طيًـاحواقفى عليها الليـل يابـو دلامـه

وجاتك بعد مده معاشيـر ولقـاحوولادهن عيـد الضحيـه تمامـه

والغيث لاتكره مطيحه ليـا طـاحربًع بصفـاره وعطنـى خزامـه

وان مرتك هجن ( المهابيل ) طفاح( اهبال طيب ولا صحاوة رخامه )

هذا شطر بيتٍ كما النجـم وضـاحوعز الله ان راعيه علـى كلامـه

واللى مسح روس التماسيح تمساحواليا إنتقم كلـن يعـرف انتقامـه

والأولـه والثانيـه سـمٍ اذحـاحيبحر بها الصايم وتجرح صيامـه

راحت سوالفنا كحيـح وتنحنـاحكلٍ شكـت سبابتـه مـن إبهامـه

واليا حصد زرع الفلاليـح فـلاحالعز يبغـى مـن يجـود زمامـه

ولا يربح المليون ياجورج قـرداحيكود من راسـه قويـه عظامـه

مايسترد الحـق بصيـاح ونيـاحوبشتٍ حسـاوىٍ وسـاعٍ كمامـه

الا بيومٍ فيـه للجمـع ضحضـاحيشيب منه اللـى بحـزة فطامـه

وإسلم ودم ماناض بـرقٍ ومـالاحواقبل تحيـة صاحبـك واحترامـه




امشى بخطوه واثقه لآخر الدرب

(الصراحه) ونظريه ابن وسام





الصراحه مزعجه وأنا صريح


تزعلـك ماتزعلـك باقولهـا


شاعر موهوب ولساني فصيح


وسابح عرض البحور وطولها


والافاعي سمها ينـذح نذيـح


والعقارب سمها فـي ذيولهـا


ماعلى الدنيا ضمير مستريـح


كل خلـق الله تهـن خيولهـا


ذا يحن وذا يون وذا يصيـح


وذا يخطف راسها ورجولهـا


والشعر هذاقبيـح وذا مليـح


وكلبوهـا ساريـن مفعولهـا


أجلدالقبيح في وجـه القبيـح


وقول وش رايك وقول أصولها


ولاتدري مايصح الاالصحيـح


خاطب العالم على قد عقولهـا


(درس المرجله ) ولكن هل المرجله وراثيه ام مكتسبه !!






امشى بخطوه واثقه لآخر الدرب

ومن مال عن دربه يامسرع مطيحة
وبنات فكري لانخيت الشعر سرب
من بحر هاجوسي تفيض القريحه
شربت من جدي وابوي الوفاء شرب
الساس طيب و الضماير صحيحه

سلطان مبدع ولاغريب ان يقدم للمتذوقين درس في مكارم الاخلاق ..
وان الشكوى لاتنسد الا الى زحول الرجال




الا يارفيقي واللّـه انّـه عـداك اللَّـوم


انا اللي علي اللَّـوم فـي ذمِّتـي ذمّـه


ولكن سامحني .. ترى العلم فيـه علـوم


ولا يفـرح اللِّـي بيننـا ينقـل النَّمَّـه


حصل ماحصل والعبد يصبر على المقسوم


يدور الزمـان ويخلـف العـزم والهِمَّـه


طراة الرَّجل للحقه .. من الزمان همـوم


ما يدري ابسدَّه كود .. خيرة بني عمَّـه


وسيع البنايد في الشِّدايد قـويّ عـزوم


لعظِّك زمانك .. شال همِّـك مـع هَمَّـه




(الردى ذله)





قال أنا عند ظنك قلـت لا بلـه


أختلف فيك ظني نوبه ونوبـه


قال واللي سواتك يدمح الزلـه


قلت والغلطه اللي منك محسوبه


من بغاني على الشده رفيق له


لا يقصر بماجوبـي وماجوبـه


الرفيق المهجـن رفقتـه علـه


لابس لي عباة الـود مقلوبـه


لو يجامل معي والكره مشتلـه


المحردب تشوف الناس حردوبه


والشجاعه رجوله والردى ذلـه


لا تحن الحصان إلا من ركوبه


يارفيق يحـد السيـف ويسلـه


كل ما أقفى رفيقه حش عرقوبه


رفقة مالهـا مذهـب ولا ملـه


يالله العفو والغفـران والتوبـه




نختم هذه المجموعه بهذه الابيات





قريت مـره كتابـة واحـد عنـي


سوالف بيـض الله وجـه قايلهـا


شكرا على دقتك يا الكاتب الفنـي


دشداشتـي والله إنـك مفصلـهـا


الله فعيـون جمهـوري مجملنـي


وأسماء الرياجيل تعرف من فعايلها


هل تعلـم إن الملابـس ماتمثلنـي


وأنا أتقـدم وأمثـل قـوم بكملهـا


كانك ياعبدالله الراجس على ظنـي


الاوله مـن بنـي أخينـا تحملهـا


والثانيه فرق الشيعي مـن السنـي


حـد المطيـه وروضهـا وعقلهـا


وإن جات ترفد بفزعة هن ابن هني


إرتاح فالمجلس المفروش وأزهلها


حنا هل العلم وأهل السن والعنـي


بسيوفنـا كـل مـا ملـة نعدلهـا


ومهاتـرات الصحافـة ماتزعلنـي


بعد إختلط عـج حابلهـا بنابلهـا


زيف وتماثيل لاراحـن ولا جنـي


عطها صحافـة خليجيـة وتنقلهـا


لو تنعرض قصة سرحان والجنـي


لحسين عبدالرضا يمكـن يمثلهـا


شكراا لكم متابعتكم ودمتم بخير

امشى بخطوه واثقه لآخر الدرب

ومن مال عن دربه يامسرع مطيحة
وبنات فكري لانخيت الشعر سرب
من بحر هاجوسي تفيض القريحه
شربت من جدي وابوي الوفاء شرب
الساس طيب و الضماير صحيحه